Nfurmazion ncont dla prutezion di dac

Nfurmazion aldò di artt. 12, 13 y 14 dl Regolamënto UE 679/2016

L Regulamënt UE 679/2016, n cont dla prutezion dla persones dantaldut sun l tratamënt de dac persunei, sciche nce la zirculazion liedia de chisc dac, cumanda al Tituler de fe al savëi ai nteressei la nfurmazions mustredes su tlo dessot.

Chësta Aministrazion, mët averda bele da for che l vënie scunà la resservatëza, prezijion, disponibeltà y segurëza di dac persunei y fej al savëi chësta nfurmazions.

Finalità dl tratamënt de dac

I dac persunei vën abinei adum y tratei per fe la ativiteies de ufize per ji do ala funzions istituzioneles aministratives, cuntables o acioche i zitadins y i aministratëures posse fé valëi la rejons che ti ie recunesciudes, nce nia istituzioneles.

L tratamënt de dac persunei ie lascià pro dala lege davìa che l ie debujën per fe n duvier de nteres publich o ajache l taca adum al eserzize de forza pubblica che l Tituler dl tratamënt à per lege.

Tratamënt de dac particuleres y/o che reverda cundanes penales y reac

L possa unì dant che chësta aministrazion, fajan ativiteies spezifiches istituzioneles, vën sëura y giata dla mans dac che l Regulamënt 679/2016 spezifichea coche “dac particuleres”, y plu avisa se tratel de dac da chëi che n possa abiné ora l’urigin de raza o de etnica, la cunvinzions religëuses, la minonghes politiches, sce n fesc pert de partic, sindacac, lies y urganisazions de carater religëus, filosofich, politich o sindachel, sun la vita sessuela; oradechël pudëssun uni sëura sun la sanità y/o sun dac n cont de cundanes o reac. Tl cajo che l vënie tratà, per debujëns istituzionei, chësta sort de dac, ne muessel unì damandà degun cunsëns al nteressà. Sce chësc chemun ëssa da traté dac de chësta sort per gaujes y finaliteies nia istituzioneles, uniral damandà al nteressà de dé ju si cunsëns aposta.

Manieres de traté i dac

I dac vën tratei cun sistems informatics y/o a man tres prozedures che possa garantì la si segurëza y resservatëza.

La comunicazion di dac

à natura facultativa.

Sce la comunicazion di dac ne vën nia fata

ne puderà chësta Aministrazion nia respuender ala dumandes prejentedes dai nteressei.

I dac possa unì cumunichei

a duc chëi che, do la norma, muessa o possa unì a i cunëscer (ufizies, ënc y organns dl'aministrazion publica, aziendes o istituzions) coche nce ala persones che possa fé valëi na rejon de ti ruvé permez tres azes o azes zivich generalisà. Tl cajo de dac particuleres y/o dac che reverda cundanes o reac, unirà la cumunicazion fata adlò de chël che ie scrit tl regulamënt per l tratamënt de dac sensibli y giudiziei, dat ora cun Pruvedimënt dl Garant dla prutezion di dac persunei di 30.05.2005.

I dac possa unì cunesciui

dal tituler, dal respunsabl dl tratamënt, dal respunsabl dla prutezion di dac persunei, dai nciariei dl tratamënt di dac persunei y dal aministratëur de sistem de chësta aministrazion.

I dac possa unì prupaghei

Coche l che l ie cunsentì dala lege.

Tan giut che i dac persunei possa unì tratei y cunservei

L tratamënt de dac fat alsavëi cun chësta nfurmazion unirà mé fat tan giut che l ie debujën per fe i duvieres dac su al Tituler da leges naziuneles y/o sëuranaziuneles, o da leges de paejes ulache i dac messerà eventualmënter unì trasferì.

Dërc di nteressei

Nfurmon ala fin, che i articui da 15 a 22 dl Regulamënt europeich dà ai nteressei la puscibeltà de fe valëi cër dërc. Dantaldut puderà i nteressei se damandé dal Tituler, n cont de i dac persunei, chisc dërc: l dërt de prejenté protesta a na Autorità de cuntrol (art. 13, coma2, pustom d); ruvé permez ai dac (art. 15); la retifica (art. 16); l dërt de unì scancelà – desmincià (art. 17); la limitazion al tratamënt (art. 18); la notifica tl cajo de retifica, straicheda o limitazion (art. 19); la portabeltà (art. 20); l dërt de oposizion (art. 21) y l dërt de ni unì sotmetù a pruzesc automatics de dezijion y profiliazion (art. 22).

Tituler, Respunsabel del Tratamënt y Responsabel dla Prutezion de dac personei

Tituler dl tratamënt ie chësta Aministrazion, cun sënta a S.Cristina Gherdëina, Str. Chemun nr. 1; L Respunsabel dl tratamënt ie l Secreter de chemun, dut. Hugo Jakob Perathoner, cun domizil per la ncëria pra la sënta dl Tituler;

Respunsabel dla Prutezion di Dac personei (DPO) ie l aucat Dut. Paolo Recla, cun l'adres de posta eletronica zertifizeda: PEC: paolorecla.dpo@legalmail.it

Plu nfurmazions sun la privacy